Dagur leikskólans

Dagurinn 6. febrúar er merkisdagur í sögu íslenskra leikskóla því árið 1950 stofnuðu frumkvöðlar leikskólakennara sín fyrstu samök.

Þennan dag er vakin sérstök athygli á leikskólastiginu, hlutdeild þess í menntakefinu og samfélagslegu gildi fyrir atvinnulíf og fjölskyldur í landinu.

Við höldum daginn hátíðlegan með það að leiðarljósi að efla almenna umræðu um hlutverk leikskóla og starf leikskólakennara.

Sumarfrí

Blær opnar lífsgildi

Í dag, 13. janúar sneri Blær við öðru krónublaði á lífgildablóminu okkar og í ljós kom samkennd.

Samkennd er sá hæfileiki að setja sig í spor annarra, geta glaðst og fundið til með öðrum ásamt því að gefa öðrum af sér. Samkennd endurspeglast í þeirri virðingu sem við sýnum hvert öðru.

Vasaljósadagur

Á morgun, 11.janúar, er vasaljósadagur hjá okkur í Korpukoti. Þá mega allir krakkar mæta með vasaljós í leikskólann. Við ætlum að gera okkur glaðan dag og uppgötva margt skemmtilegt með ljós og skugga.

Starfsdagur

Við minnum á starfsdaginn okkar, föstudaginn 6.janúar.
Þann dag er leikskólinn lokaður.

Gleðilega hátíð

Kæru fjölskyldur.

Við í leikskólanum Korpukoti óskum ykkur öllum gleðilegrar hátíðar og farsældar á komandi ári með ósk um notalega samveru og hvíld yfir hátíðirnar.

Við viljum um leið þakka fyrir ánægjulegt samstarf á árinu sem er að líða.

Við hlökkum til að taka á móti nýja árinu og öllum þeim tækifærum sem það býður upp á í leik og starfi.

Jólin í Korpukot

Hér má sjá jóladagskrá okkar í Korpukoti

Lestrarsprettur Lubba

Í dag, 16.nóvember er dagur íslenskrar tungu og í tilefni af honum erum við með lestrarsprett Lubba. Þessa vikuna söfnum við málbeinum fyrir Lubba. Málbeinin eru send heim og skrifa foreldrar á þau þær bækur sem eru lesnar heima með börnunum. Beinunum söfnum við svo saman í myndalegt beinasafn fyrir Lubba sem við hengjum upp hér í leikskólanum

Við hvetjum ykkur til að lesa með börnunum ykkar vikuna 14.nóv – 18.nóv sem og allar aðrar vikur ársins því besta gjöfin sem þú gefur barninu þínu er að lesa fyrir það. Samvera, umræður, orðaforði og málþroski er öllum börnum svo verðmætt.

Bangsadagur

Fimmtudaginn nk., 27. október er alþjóðlegi bangsadagurinn.

Þá mega börnin í Korpukoti koma í náttfötum í leikskólann og með bangsa að heiman.

Munum að merkja bangsana svo þeir rati heim aftur.

Dótadagur

Kæru foreldrar
Á morgun, þriðjudaginn 4. okt, er dótadagur hjá okkur á eldri deildum leikskólans, Bjartakoti og Fagrakoti. Börnin mega koma með eitt leikfang að heiman í leikskólann. Börnin mega koma með eitt leikfang að heiman í leikskólann.

Við minnum á að merkja leikfangið.